Entamamos una nueva selmana con un pequeñu retu que vos propongo; a ver cuantes cosadielles sois quienes a aldovinar. Pero ¿QUE YÉ UNA COSADIELLA?
Esta pallabra nun la debéis confundir cola casadiella, esi dulce de nuez, ablana, azucre y anís que se tuesta n'aceite.
La
cosadiella ye una aldovinanza, una fórmula onde se describe de forma
inxeniosa daqué pa que les persones que lo escuchen o lo llean intenten
aldovinar qué ye.
Una de les carauterístiques de les cosadielles ye que siempre van entamar de la mesma forma:
¿QUÉ COSA COSADIELLA YE...?
Por exemplu: ¿Qué cosa cosadiella ye una parte del cuerpu que paecen persianes, subiendo y baxando cada poco?
¿Yá aldovinastis lo que yera? Pues sí, son les pestañes que suben y baxen cada vez qu'abrimos y zarramos los güeyos.
Llegó'l
momentu de poner en xuegu les vuestres habilidaes. Pinchái na imaxe pa
ver cuántes cosadielles sois quienes a aldovinar. ¡MUNCHA SUERTE !
No hay comentarios:
Publicar un comentario